Il terratrembel cun la fermezza da 7,8 ha tutgà il stadi dal Himalaya e parts da l'India sonda, ils 25 d’avrigl 2015. Tut en tut èn radund 8 milliuns persunas pertutgadas da las consequenzas dal grev terratrembel.
La Chadaina da Fortuna ha pudì quintar sin ina gronda solidaritad da la populaziun svizra per las unfrendas en il Nepal.
Tut en tut èn vegnids ramassads CHF 11'054'104.00 durant il di naziunal da collecta, mardi, ils 05-05-2015
Ina da las centralas da la collecta da telefon era drizzada en tar RTR Radiotelevisiun Svizra Rumantscha a Cuira, nua che voluntaris e prominenza han prendì encunter donaziuns al telefon.
Igl è vinavant pussaivel da far donaziuns
- via la pagina d'internet www.glueckskette.ch.
- pajaments directs sin il conto postal 10-15000-6 (remartga «Nepal»).
- cedels da pajament da la Chadaina da Fortuna pon ins retrair tar mintga uffizi postal.
- cun l'app «Swiss-Solidarity-App».
-
Bild 1 von 22Legenda: Ils dus cussegliers guvernativs, Chritian Rathgeb e Jon Domenic Parolini ensemen cun la collavuratura da RTR Claudia Cathomen. RTR -
Bild 2 von 22Legenda: Nobert Joos e Clau Scherrer. RTR
-
Bild 3 von 22Legenda: Il musicist Clau Scherrer vi dal telefon da la Chadaina da Fortuna. RTR
-
Bild 4 von 22Legenda: La responsabla da la Chadaina da Fortuna tar RTR, Claudia Cathomen. RTR
-
Bild 5 von 22Legenda: Il president da la SRG.R, Oscar Knapp en discurs cun l'uvestg Vitus Huonder. RTR
-
Bild 6 von 22Legenda: Oscar Knapp, il president da la SRG.R. RTR
-
Bild 7 von 22Legenda: Nossa moderatura da radio Alice Bertogg vi dal prender encunter telefons. RTR
-
Bild 8 von 22Legenda: Noss moderatur dal Minisguard, Mirco Manetsch, vi dal prender encunter telefons. RTR
-
Bild 9 von 22Legenda: L'uvestg Vitus Huonder ed il vicari general Martin Grichting. RTR
-
Bild 10 von 22Legenda: Il cumandant da la polizia da Cuira, Ueli Caluori e la directura da RTR, Ladina Heimgartner. RTR
-
Bild 11 von 22Legenda: Il cusseglier guvernativ Mario Cavigelli al telefon da la Chadaina da Fortuna. RTR
-
Bild 12 von 22Legenda: Il cusseglier guvernativ Mario Cavigelli ed il CEO da la Banca Raiffeisen Pierin Vincenz en la centrala da la Chadaina da Fortuna a Cuira. RTR
-
Bild 13 von 22Legenda: Il CEO da la Banca Raiffeisen, Pierin Vincenz al telefon da la Chadaina da Fortuna. RTR
-
Bild 14 von 22Legenda: L'inspectur da chatscha Georg Brosi vi dal telefon da la Chadaina da Fortuna. RTR
-
Bild 15 von 22Legenda: Il cusseglier guvernativ Mario Cavigelli (sesa) ensemen cun il CEO da la Banca Raiffeisen, Pierin Vincenz e l'inspectur da chatscha Georg Brosi. RTR
-
Bild 16 von 22Legenda: Il CEO da la Banca chantunala grischuna, Alois Vinzens, e l'inspectur da chatscha Georg Brosi. RTR
-
Bild 17 von 22Legenda: Il CEO da la Banca chantunala grischuna, Alois Vinzens, al telefon da la Chadaina da Fortuna. RTR
-
Bild 18 von 22Legenda: Il CEO da la Banca chantunala grischuna, Alois Vinzens, en discurs cun cussegliera guvernativa Barbara Janom Steiner. RTR
-
Bild 19 von 22Legenda: Cussegliera guvernativa Barbara Janom Steiner al telefon da la Chadaina da Fortuna. RTR
-
Bild 20 von 22Legenda: Selfie cun il president da la citad da Cuira, Urs Marti, cussegliera guvernativa Barbara Janom Steiner, il rapper Gino Clavuot/Snook e la responsabla per la Chadaina da Fortuna tar RTR, Claudia Cathomen. RTR
-
Bild 21 von 22Legenda: Urs Marti, il president da la citad da Cuira, vi da prender encunter telefons da la Chadaina da Fortuna. RTR
-
Bild 22 von 22Legenda: Andy Kollegger, il president da l'uniun chantunala da musica, vi da prender encunter telefons da la Chadaina da Fortuna. RTR
Trais champs d'intervenziun
Las ovras d'agid partenarias da la Chadaina da Fortuna èn activas en trais champs specifics: agid d'urgenza, provediment medicinal e protecziun dals uffants.
13 ovras d'agid partenarias en acziun
Actualmain èn 13 ovras d'agid partenarias da la Chadaina da Fortuna en acziun en la regiun: Adra, Medis senza cunfin, Caritas Svizra, Christoffel missiun da tschorvs, Unfrenda da curaisma, Handicap International, Helvetas, Medair, Médecins du Monde, Solidar Suisse, Crusch Cotschna Svizra, Swisscontact e l’agid a l’uffant da Terre des hommes. Las bleras dad ellas èn gia activas dapi onns ubain decennis en il Nepal e connectadas fitg bain cun partenaris locals.