Desinfurmaziun po reducir la confidanza en instituziuns, influenzar la furmaziun dad opiniuns e cunquai la libra decisiun. Per ch’ina democrazia resta sauna e funcziuna è ella avisada sin ina populaziun bain infurmada ed in schurnalissem che s’orientescha a la vardad.
«Las bleras partidas stattan davos la democrazia. L’idea da quellas persunas che derasan desinfurmaziuns è da cumbatter cunter la democrazia, di Sven Niederhäuser da Correctiv.»
Il mument è Correctiv Svizra anc vid colliar ina rait da schurnalistas e schurnalists locals. L’idea è, ch’il schurnalissem local duai pudair realisar retschertgas grondas ensemen cun Correctiv. Per uschia crear publicaziuns ch’han ina relevanza speziala per la populaziun el lieu.
Cun ses model vul Correctiv render accessibel gratuitamain in schurnalissem investigativ per tuttas e tuts. Correctiv s’orientescha al bainstar public. L’instituziun sa finanziescha cun donaziuns.
Sunday, 08:06 Uhr La desinfurmaziun è in grond privel per la democrazia
Desinfurmaziuns hai gia adina dà. Ma cun las medias socialas e cun l’internet vegnin nus dapi insaquants onns inundads cun desinfurmaziuns. I va per far daners, cugliunar, desinfurmar, derasas odi ed auter. E desinfurmaziun è in grond privel per la democrazia, di Sven Niederhäuser da Correctiv.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter
