Ils 5 da november sa decida la cursa tranter la democrata Kamala Harris ed il republican Donald Trump. Cun la professuressa per americanistica Claudia Franziska Brühwiler sclerescha «Vita e cretta» questa fin d'emna tge rolla che la religiun gioga en questas elecziuns.
Questemissiun è in'ulteriura en nossa seria che s'occupa cun il superonn dad elecziuns. La mesadad da la populaziun mundiala, var quatter milliardas persunas, viva numnadamain en in pajais, nua ch'igl ha dà u nua ch'i dat quest onn elecziuns.
Raschun avunda per «Vita e cretta» da tutgar cun ina seria il puls dad insaquants da quests pajais. Noss focus: la religiun. La survista da las tematicas e tut ils discurs chattais vus sut rtr.ch/cultura.
Elecziuns 2024 e religiun: Ils Stadis Unids, Dieu e la bibla
Sch'il 2024 vala sco superonn dad elecziuns pon ellas valair sco las superelecziuns da quest onn – las elecziuns per il presidi dals Stadis Unids.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Parter
