Sogn Benedetg: Emil Schmidt producescha sia atgna energia

Dapi 1960 datti in'ovra electrica pitschna a Sogn Benedetg, in aclaun sur il vitg da Sumvitg. Construì quest'ovra vevan Josef Schmidt e ses figls, e cun quella han els pudì furnir sez la forza electrica ch'ela duvravan.

Il bab dad Emil, Josef Schmidt e ses figls, vevan chavà in foss e mess ina lingia da pressiun. Quella è 1 km lunga cun ina differenza d'autezza da 280 meters e quai dettia ina pressiun da 28 atüs, di Emil Schmidt. L'aua che vegn giu da mises fa ir ina turbina e lura producescha in dinamo forza electrica. Uschè po quai spisgentar ina chasa cun duas abitaziuns ed in clavà cun sufflafain, ventilaziun e chazzolas.
Tenor Emil Schmidt (el fageva pli baud il pur) na hajan els stuì avair ina lubientscha ubain ina concessiun per construir quest'ovra electrica pitschna. El haja emprendì bler da ses bab ed ina part era cun agid din cudesch. Gugent vess el era fatg l'emprendissadi d'electricher.

E sco el ha declerà rendia quest'ovra. Las installaziuns vevan custà ca. 12'000 francs; ed el quinta d'avair spargnà durant quests onns ca. 500'000 francs (perquai ch'els dovrian energia per 6000-7000 fr. ad onn).