Tresa Conrad-Maissen (90): «Jau hai vivì trais vitas»

Ella è creschida si en la Casa Carigiet a Trun en ina famiglia illustra. Ses augs eran Alois e Zarli Carigiet e ses bab il poet popular Michael Maissen. Grazia al sustegn dal plevon sur Carigiet, er in aug, ha ella pudì far scolaziuns ed ha uschia gì plazzas da lavur captivantas, sco p.ex. en l'Ems-Chemie e l'ultim er en la fabrica da ponn a Trun. Cun ses um, in Jauer, ha ella gì sis uffants en sis onns. Ed insaco ed insacura è ella vegnida en contact cun ils curs da rumantsch en la Casa Caltgera a Laax, nua ch'ella ha emprendì d'enconuscher tranter auter era Pader Flurin Maissen. Ina persuna che haja avert ad ella ils egls per in auter mund.