Gidar ad umans da sez meglierar lur cundiziun da viver. Dapi quatter onns s'engascha Franca Palmy (46) per questa finamira. Ed en quest temp ha ella emprendì che quai na va betg senza ils umens. «I na gida nagut da raquintar a las dunnas davart lur dretgs sche l'um n'è betg da la partida. Mo sch'el vesa co che quai gida a la famiglia ed al vitg sche las dunnas èn pli fermas, lura è quai in grond success».
En l'emissiun «Profil» dal Radio Rumantsch raquinta Franca Palmy da sias experientschas ch'ella ha fatg sin ses viadis e pertge ch'ella è restada ina optimista, malgrà la gronda miseria ed ils numerus conflicts sin quest mund.
Redacziun: Adrian Camartin