La vita da l'um da 69 onns e stada fitg variada ed activa. Naschì è el a Ramosch nua ch'el ha passentà era sia uffanza. Anc oz abita Claudio Andry a Ramosch. La vita professiunala ha el cumenzà cun in emprendissadi da commerzi. Lura ha el fatg carriera sco manader da finanzas dad in interpresa da fabrica e pli tard sco directur da l'ospital da l'Engiadina Bassa. Claudio Andry è era stà durant 7 onns president communal da Ramosch.
Dapi 46 onns è Claudio Andry maridà cun sia dunna Beatrice. Els han 2 uffants ed ussa era 4 biadis. En il temp liber ha Claudio Andry giudì la natira cun divers hobis sco chatscha, ir en muntogna, chauns, chavals u ir cun velo.
Redacziun: Reto Mayer