Musica è stada ed è ina part impurtanta da sia vita: da Curdin Brugger, il possessur da l'hotel Krüzli a Sedrun. Sco uffant da scola ha el emprendì da sunar ghitarra, l'emprim classic, pli tard alura era rock e pop. Ed el ha gugent il blues. Dal temp da Buena Vista Social Club è Curdin era stà en Cuba.
En la scena da musica è el vegnì enconuschent sco chantautur dals Passiunai. Là ha el sunà cun Pascal Gamboni. Ed uss suna el proximamain a Rocksedrun cun «Gus & the Garage Band».
Redacziun: Hubert Giger