Lance Pool e Flurin Gerber, ensemen «Team Masturbinho», portan ensasez tut quai, ch'i dovra per batter RTR. Chomas frestgas, in tscharvè giuven e grondas ambiziuns. En trais gieus cumbattan ils scolars da la scola media commerziala a Glion: il «tunnel rapid», la «fatscha fantastica» ed il «sport da bar», era cuntschent sco il pli impurtant culp liber da la Rumantschia.
Ma tgi gudogna quell'ediziun da «Battas»? Ils giuvens modests ubain ils 30+ schnorris da RTR. Ina decisiun cnappa ed in cumbat sur trais gieus, che pretenda tut dals candidats. A la fin po dentant be in team metter si la curuna da Battas.
Tge diavel è «Battas»?
Emblidai Joko e Klaas! E quel da Raab ha gia mintgina e mintgin battì. Uss vali da batter RTR!
Amia e marus, bab e figlia, cusrina e cusrin, scolasta e scolar u schefas e collavuraturs – la cumbinaziun n'emporta betg. Impurtant è che vus essas in duo che persvada!
Sche vus battais il team RTR (Marcus ed Elias) en trais gieus datti 400 francs CASH en il maun.
Co sa participar?
Sche vus vais l'impressiun d'avair il curaschi necessari per batter il team RTR (Marcus Petendi ed Elias Tsoutsaios), s'annunziai giusut!