Siglir tar il cuntegn
audio
Leta Semadeni
RTR / Georg Luzzi
laschar ir. Durada: 43 minutas 42 Secundas.
cuntegn

«Il scriver è il lieu, nua che jau ma sent da chasa»

Emissiun per l'otgantavel anniversari da Leta Semadeni.

Tant sia lirica sco era sia prosa èn gia vegnidas descrittas sco collaschas. Ultra da quai ha Leta Semadeni lavurà ils ultims onns vi d'ina seria da purtrets en stil da collascha – ina seria giaglia e ludica deditgada a la dunna.

A chaschun da l'anniversari da Leta Semadeni èsi pia stà evident da preschentar in'emissiun inspirada da la collascha, partind da lidea che nossa vita haja ina taila da funs, divers motivs, diversas inspiraziuns, in tschert equiliber en la cumposiziun e lura ina buna colla che tegna ensemen tut quai!

Questa Marella n'ha betg la finamira da raquintar cronologicamain l'entira biografia da Leta Semadeni, mabain da pertschaiver intgins elements centrals da la collascha da sia vita. Uschia vegnin nus a savair tgenin chè il tratg principal da ses caracter, pertge ch'ella sa zuppava sco mattetta en in chagliom, tge onn da sia vita ch'ha «tant'impurtanza sco diesch auters onns» e tge musica che fa adina batter pli svelt ses cor.

Dapli da «Marella»