Ina «populara» dal mais settember è adina reservada per sauts e musica ch'han da far cun la chatscha ch'ha gist cumenzà. Per il pli bel temp da l'onn preschentain nus perquai tocs deditgads a la chatscha, tschiervs e chamutschs, star da cumpagnia e giudair la vita en chamona. Ina populara per chatschadras e chatschaders – e per quels e quellas che taidlan gugent noss'emissiun.
I dat bleras cumposiziuns che tractan la pli gronda passiun grischuna cun schottischs, polcas, e valsers – e blers da las musicantas e musicants van er a chatscha. Vus udis las chapellas Alpafründa, Oberalp, Vadret e Grischuna, ils Schwyzerörgeli-Fründa Felsberg, ed Ils Jauers Arno ed Aldo.
