Sonda, ils 22 da settember 2018, è la scena da brass band sa rimnada ina giada dapli a Lucerna en il KKL per celebrar ina da las impurtantas occurrenzas en il chalender dals fans. 10 da las meglieras brass bands da la Svizra èn sa mesiradas ed han cumbattì per il titel Swiss Open Champion.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Da la victoria dal dirigent Corsin Tuor e sia BBO avain discutà en l'emissiun da l'emna passada. Oz vegnan las undas rumantschas intunadas d'ulteriuras preschentaziuns cun participaziun da rumantschs.
Uschia pudais Vus per exempel tadlar la grondiusa producziun dal toc da pag «Pini di Roma» che la Brass Band Bürgermusik Luzern ha mussà.
U era ils tuns da la Wallberg Band – la quala nus pudain senz'auter numnar la band (almain mez) grischuna – resunan en questa Instrumentala.