Ervas dal matg - Margreta Solèr: «La natira è mia religiun»
En nossa rubrica culinarica dal matg, ans declara Margreta Solèr pertge che nus duessan dar dapli attenziun a las ervas ed appreziar dapli lur valurs e lur preschientscha. Concret mussa ella interessantas chaussas davart la forza da quatter ervas e plantas.
Legenda:
Margreta è adina pronta da dar tips a persunas interessadas vid ervas.
RTR
«La natira ha mussa a mai da viver, ella ha mussà il savair gidar mamezza e mia figlia. Ella è la resposta sin bleras da mias dumondas. La natira è il lieu nua ch'jau hai chattà schliaziuns e forza per la vita. La natira è per mai la colliaziun cun tut quai che è, cun tut il cosmos», di Margreta Solèr. Sco ch'ins vesa: En la natira chatta Margreta Solèr quai ch'ella tschertga e ch'ella dovra per sa sentir bain.
audio
Quai è Margreta Solèr
02:34 min, ord Nossa cuschina dals 01.05.2024.
Maletg: RTR
laschar ir. Durada: 2 minutas 34 Secundas.
Cura che jau vegn en il liber, è quai l'emprim pass en mes corp.
Margreta Solèr ha passentà parts da sia uffanza a Tarasp ed a Lumbrein en Lumnezia. Il talent e l'amur per las ervas haja ella ertà da sias nonas. Margreta Solèr ha 37 onns ed è educatura suletta da sia figlia Lena Sofia ch'ha 10 onns. Ensemen cun lur chaun e lur giat vivan ellas al ur dal vitg da Castrisch – in lieu idillic nua ch'ellas sa sentan fitg bain circumdadas da pradas e guaud.
In sguard sin las ervas
En nossa rubrica culinarica dal matg, ans declara Margreta Solèr chaussas interessantas davart la forza da quatter ervas e plantas: brumbels-pign, la flur-portg, il plantagen lung e la regina da las ervas: l'urticla.
audio
La brustga pign
06:44 min, ord Nossa cuschina dals 29.05.2024.
Maletg: RTR
laschar ir. Durada: 6 minutas 44 Secundas.
audio
La regina da las ervas
07:50 min, ord Nossa cuschina dals 22.05.2024.
Maletg: RTR
laschar ir. Durada: 7 minutas 50 Secundas.
audio
La flur-portg – delicatessa vegana
07:35 min, ord Nossa cuschina dals 15.05.2024.
Maletg: RTR
laschar ir. Durada: 7 minutas 35 Secundas.
audio
Il plantagen lung cun effect antibacterial
05:14 min, ord Nossa cuschina dals 08.05.2024.
Maletg: RTR
laschar ir. Durada: 5 minutas 14 Secundas.
audio
Il «dragun» cunter la tuss
06:07 min, ord Nossa cuschina dals 01.05.2024.
Maletg: RTR
laschar ir. Durada: 6 minutas 7 Secundas.
L'urticla è la regina da las ervas, ella è in vair tresor per la sanadad.
En quel connex respunda ella dumondas sco: Pertge avain nus tantas flurs-portg sin nossas pradas la primavaira? Tge fan ellas cun la terra e tge fan quellas flurs melnas cun noss corp?
Margreta Solèr lavura sco turisticra e recepziunista en in hotel. Daspera producescha ella itgs, tés, tincturas e cremas, ielis per far bogn, ielis eterics e tuargias cun products naturals e biologics che creschan en ses conturn.
Il mund da Margreta
1 / 13
Legenda:
Products naturals da Margreta per il diever quotidian
Tuargias, cremas, sirup per la tuss, ielis eterics, tés e bler auter tutgan tar il sortiment da «Mägy».
RTR
2 / 13
Legenda:
Bain raccoltadas, bain conservadas ed appreziadas.
Margreta Solèr dovra di per di ervas en cuschina.
RTR
3 / 13
Legenda:
Il sirup da la tuss «dragun da la tuss» è ina spezialitad.
En ses sirup da la tuss ha Margreta Solér impundì tut sia savida ed amur.
RTR
4 / 13
Legenda:
Amur per il detagl.
En cuschina da Margreta chattan ins dapertut ervas e products da la natira raccoltà e conservà sez.
RTR
5 / 13
Legenda:
L'urticla, la regina da las ervas.
Tenor «Mägy» è il num da questa benedida planta betg giusifitgà.
RTR
6 / 13
Legenda:
Vesaivel e nizzaivel:
Il placat da fluras ed ervas penda vid la parait en cuschina.
RTR
7 / 13
Legenda:
Margreta Solèr avant isch-chasa a Castrisch.
Margreta è adina pronta da dar tips a persunas interessadas vid ervas.
RTR
8 / 13
Legenda:
Il murter è adina pront en cuschina.
Sche quest murter pudess ans raquintar istorgias, lura fiss quai franc interessant ed aromatic.
RTR
9 / 13
Legenda:
La flur-portg ina damaun.
La flur-portg ha las valurs da reducir aschadad da la terra, ma era da noss corp.
RTR
10 / 13
Legenda:
Urticlas da primavaira possedan valurs potentas.
«L'urticla è la regina da las ervas – cunzunt era tar problems da vaschia tar umens», di Margreta Solèr.
RTR
11 / 13
Legenda:
Per Margreta è l'iert sco ina bella stiva che viva.
Ussa che il sulegl è anavos giauda la dunna da 37 onns ses iert.
RTR
12 / 13
Legenda:
Brustgas da pign per far products naturals.
Tuargia, sirup, ieli da bogn e auters products biologics producescha Margreta cun brustgas da pign.
RTR
13 / 13
Legenda:
Plantagen lung en verdegur. (Spitzwägerich)
Questa erva ha ina forza antibacteriala ed è buna per far tincturas cunter piztgadas d'insects ed avieuls ed auters mals.
RTR