Trais poesias da Arnold Spescha han animà Simon Camartin da laschar far in'ovra per vusch da solo ed orchester. Il cumponist ucranais Yuri Laniuk ha scrit «Tezlas» (trais chants per mezzosopran ed orchester da chombra).
L'october 2023 ha Simon Camartin dirigì la premiera dal toc «Tezlas» ensemen cun la sopranista Mariana Golovko ed il National Philharmonic Orchestra of Ukraine. Per quella è el viagià ensemen cun sia dunna Oana a Lemberg (Ucraina).
L'ovra ha gì bun resun e buna critica. En l'Artg musical prelegia Arnold Spescha sez las trais poesias e Simon Camartin raquinta dal process da lavur fin che l'ovra è stada finida.