Ina visita a Tschlin, ubain Janetts total
La fin da schaner avain nus visità Tschlin. Là, en il legendar Muttler - la chasa paterna dals Janetts - han las famiglias dals frars Jachen, Domenic, Duri e Curdin chantà e sunà ensemen, per part er cun amis.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Duas generaziuns da Janetts han fatg musica, e quai en set furmaziuns diversas. Per part han els era fatg musica en cumbinaziuns nunusitadas, creadas extra per quest Artg musical: C'est si (B.O.N.), Guschtis original-urchige Bergler- und Sennenkapelle, Trio Bun Chant, Sara Bigna e cumpagnia, The Muttler Orchestra, Coro da famiglia ed ils Fränzlis da Tschlin. L'Artg porta registraziuns da quest di dals «Janetts Total».
Redacziun: Giusep G. Decurtins