Acziun da Son Valentin tar RTR - Tgenina è Vossa chanzun d'amur?
Ils 14 da favrer è il di dals inamurads – cun fluras, bels pleds, ina carta ubain musica èsi ina buna chaschun da dir grazia fitg al char u la chara. Er sin undas rumantschas pudais Vus far quai.
Tgenina è la chanzun che descriva il meglier Vossa relaziun d'amur ubain quella che collia cun Vossa chara u Voss char? Quella u quel che telefonescha sco emprim en il studio e raquinta tge chanzun che vala sco lur chanzun d’amur e pertge gudogna ina selecziun da products indigens.