La vita misteriusa dals bulieus
Broschura cun exercizis
Il bulieu è ina planta cun funcziuns impurtantas en la natira. En il Radioscola dal 1985 han ils redacturs dà ina survista generala dal bulieu. Cun exempels ed exercizis decleran els la vita misteriusa dal bulieu. D'ina planta che viva en il zuppà, en stgira retratgadad ed umiditad e che na fa betg mo plaschairs. En la broschura accumpagnanta èn ils exercizis.
-
audioRadioscola 17-10-1985 - La veta misteriusa dils bulius29:19 min, ord RTR Audio dals 09.08.2016.laschar ir. Durada: 29 minutas 19 Secundas.
Il bulieu destruider
En il Radioscola vegn discutà dal bulieu che po far donn. Da quels exempels èsi era da chattar en l’archiv da RTR. Uschia ha la Televisiun Rumantscha per exempel rapportà dal bulieu ch’ha attatgà il palantschieu sura da la baselgia Sontg Martin a Ziràn e documentà las lavurs da sanaziun. Plinavant ha il Telesguard mussà il bulieu ch’hà infestà l’orgla da la baselgia claustrala a Mustér u il bindel cotschen ch’ha fatg fastidis al tieu en la Tumleastga.
![TSG - Bulieus vid il palantschieu da la baselgia S. Martin a Ziràn](https://il.srgssr.ch/images/?imageUrl=https%3A%2F%2Fdownload-media.srf.ch%2Fworld%2Fimage%2Fvideo%2F2016%2F08%2F08853fec249a42e19e1e3eb601404ca4.png&format=jpg&width=960)
![TSG - Lavurs vid il palantschieu sura da la baselgia da Ziràn](https://il.srgssr.ch/images/?imageUrl=https%3A%2F%2Fdownload-media.srf.ch%2Fworld%2Fimage%2Fvideo%2F2016%2F08%2Fe069e34926154662b8c53081bb29cfb2.png&format=jpg&width=960)
![TSG - Controlla suenter il cumbat dal bulieu al palantschieu sura...](https://il.srgssr.ch/images/?imageUrl=https%3A%2F%2Fdownload-media.srf.ch%2Fworld%2Fimage%2Fvideo%2F2016%2F08%2Fb55bb316db114b2c84f3d8a2e80a7a46.png&format=jpg&width=960)
![TSG - Il bulieu infesta lorgla da la baselgia claustrala a Mustér](https://il.srgssr.ch/images/?imageUrl=https%3A%2F%2Fdownload-media.srf.ch%2Fworld%2Fimage%2Fvideo%2F2016%2F08%2F0982b4106ed145d4b1047b5dde92945f.png&format=jpg&width=960)
![TSG - Il bindel cotschen attatga tieus](https://il.srgssr.ch/images/?imageUrl=https%3A%2F%2Fdownload-media.srf.ch%2Fworld%2Fimage%2Fvideo%2F2016%2F08%2Ff0514825fe73427c9b21dfe4bab18b8b.png&format=jpg&width=960)
La fascinaziun bulieu
Bleras e blers van per bulieus, enconuschan differentas sorts e giaudan lura els en spaisas gustusas. Il 2009 è l’emissiun da Camifo dal Radio Rumantsch sa fatschentada da radent dal hobi «bulieu». La redactura ha accumpagnà ina rimnabulieus e tractà differents aspects davent dad ir a tschertgar els fin al cuschinar.
-
audioDa Camifo - 24-08-2009 - Ir per bulieus e la fascinaziun da Maria02:55 min, ord RTR Audio dals 09.08.2016.laschar ir. Durada: 2 minutas 55 Secundas.
-
audioDa Camifo - 24-08-2009 - La concurrenza per ils bulieus04:02 min, ord RTR Audio dals 09.08.2016.laschar ir. Durada: 4 minutas 2 Secundas.
-
audioDa Camifo - 25-08-2009 - Ina tura tras il guaud - nua sa zuppan els?03:47 min, ord RTR Audio dals 09.08.2016.laschar ir. Durada: 3 minutas 47 Secundas.
-
audioDa Camifo - 25-08-2009 - In menu cun bulieus03:36 min, ord RTR Audio dals 09.08.2016.laschar ir. Durada: 3 minutas 36 Secundas.
Il bulieu e las emoziuns
Ils rimnabulieus ed ils chatschaders n’èn betg ils megliers amis. Persuenter duessan il chantun e la polizia atgnamain avair gugent ils rimnabulieus – surtut quels che n’enconuschan u respectan betg las reglas e van per bulieus da temps scumandads ubain prendan memia bler. Quels portan adina puspè daners en la cassa chantunala sco quai ch’il TSG ha rapportà da differentas razzias sin via.
![La polizia e las controllas tar ils rimnabulieus](https://il.srgssr.ch/images/?imageUrl=https%3A%2F%2Fdownload-media.srf.ch%2Fworld%2Fimage%2Fvideo%2F2016%2F08%2F05e991c90cd646cf86e0c7f6765f690a.png&format=jpg&width=960)
![Telesguard - Dispitas da chatschaders e rimnabulieus](https://il.srgssr.ch/images/?imageUrl=https%3A%2F%2Fdownload-media.srf.ch%2Fworld%2Fimage%2Fvideo%2F2017%2F11%2Fba0de2c7942e496ba63dd3ed10598db2.png&format=jpg&width=960)
![TSG - Confiscau 52 kilos e dapli bulieus da Talians](https://il.srgssr.ch/images/?imageUrl=https%3A%2F%2Fdownload-media.srf.ch%2Fworld%2Fimage%2Fvideo%2F2016%2F08%2F23e5eabb6d5b491daccdeb34359cf31e.png&format=jpg&width=960)
![TSG - Novas propostas per tschertgar bulieus en il Puschlav](https://il.srgssr.ch/images/?imageUrl=https%3A%2F%2Fdownload-media.srf.ch%2Fworld%2Fimage%2Fvideo%2F2016%2F08%2F6136f3be4a6741aaa8954d6c0dbbf1e0.png&format=jpg&width=960)
RR actualitad 11:00