Legenda:
Ils redacturs da novitads da RTR il 2010, Federico Belotti e Valentin Schmed.
RTR
cuntegn
L'archiv sco memoria - Novitads avant 25 onns
L'archiv da RTR porscha blers stgazis. Ina da quests èn era las novitads. Questas èn anc oz da gronda impurtanza. Il persunal da l'archiv ha guardà co quai tunava avant 25 onns, pia il schaner 1993. Lura devi in schurnal da mezdi ed in da la saira.
En il schurnal dals 20 da schaner 1993 è tranter auter stà il tema ch'il president american George Bush ha surdà l'uffizi al nov president Bill Clinton. Lura ha il redactur da RR Johann Clopath discurrì cun Oscar Knapp che lavurava lura sin l'ambassada svizra.
Paucs dis pli tard, ils 22 da schaner 1993, era l'artitgel 116 da la constituziun federala in tema, l'artitgel da linguas. Quel ha la cumissiun predeliberanta dal Cussegl naziunal discutà a Zuoz. Tranter auter ha Johann Clopath pudì discurrer lura cun il cusseglier federal Flavio Cotti.
