San Murezzan 2017 - Segirezza al Freefall sto adina esser garantida
La partenza per la cursa a val dals umens als Campiunadis mundials a San Murezzan fascinescha. Igl è in'attracziun ed era sco lieu da lavur popular. La squadra ch'è responsabla per la segirezza a la ‘crudada libra’ sto surtut esser insatge: fit en la muntogna.
1 / 7
Legenda:
La costa dal Freefall ha ina pendenza da 45 grads.
RTR, Violanta Rominger
2 / 7
Legenda:
En 6 secundas sin 140 kilometers l'ura.
RTR, Violanta Rominger
3 / 7
Legenda:
La plazza da lavur sur la tschajera.
RTR, Violanta Rominger
4 / 7
Legenda:
Dominik Hunziker ha sias metodas per anflar or tgi ch'è sin e sper la pista che na dastga betg.
RTR, Violanta Rominger
5 / 7
Legenda:
La squadra ch'è respunsabla per la segirezza.
RTR, Violanta Rominger
6 / 7
Legenda:
Rempars da lavina sco segirezza per tut quai sur e sut la partenza.
RTR, Violanta Rominger
7 / 7
Legenda:
Leo Lumminati (sanestra) e Dominik Hunziker lavuran maun en maun.
RTR, Violanta Rominger
La squadra da Dominik Hunziker, il responsabel per la segirezza, sa cumpona da persunas ch’enconuschan tuttas bain ina l'autra. Ins sa tge abilitads che mintgin ha, quai saja impurtant, di Dominik Hunziker.
audio
San Murezzan: Segirezza al Free Fall
02:45 min, ord RTR Audio dals 09.02.2017.
laschar ir. Durada: 2 minutas 45 Secundas.
Il plaz da lavur cumpareglia el cun in plazzal da fabrica. Dapertut dettia privels. Impurtant saja surtut che mintgin e tut saja adina segirà sch'ins lavuria èn la costa. Uschiglio possia quai dar accidents che fetschian absolutamain betg da basegn.
Er gruppa da salvament
En sia part da la cursa, en l'emprim, è la squadra al Freefall era responsabla per il salvament, sch'insatge avess da capitar. Durant la cursa ed ils trenaments èn els perquai adina pronts per il cas urgent.
00:30
video
Crudada libra sco partenza da cursa
Or da Telesguard dals 09.02.2017.
laschar ir. Durada: 30 Secundas.
Vulais guardar la cursa cun egliers da 360°?
Alura cliccai qua!Qua!