Dapi ils 22 da mars ha l’Uffizi da chatscha dal Grischun e dal Tessin dà liber da sajettar M75. Il luf era vegni classifitgà sco luf problematic. Il mument n’èsi betg cler nua che M75 sa chatta. Dapi ils dus da mars na datti nagins fastizs pli da l'animal.
Da la Bregaglia – il Tessin – sur Trun – fin la Cascada dal Rain
Mez schaner era quest luf vegnì cumprovà en la val Bregaglia. Ils sis da favrer sa chattava il medem luf en la Val Leventina (TI). Alura è el para viagià sur Trun en Surselva via la vallada dal Rain enfin a Laufen-Uhwiesen. Questa vischnanca sa chatta en la part dal chantun Turitg che cunfinescha cun il chantun Schaffusa.
RR novitads 17:00
