In rapport actual da la Fundaziun cunter il rassissem e l’antisemitissem (GRA) davart la discriminaziun en Svizra mussa ch’ils cas annunziads da discriminaziun e da pleds d’odi èn s’augmentads l’onn 2023 per 50%. En quel vegn identifitgada la «Junge Tat», ina gruppa da giuvenils cun vistas dretg-radicalas e colliaziuns supponidas cun la giuvna Partida Populara Svizra, sco smanatscha impurtanta. La gruppa veglia far midadas en Svizra encunter ils principis democratics, ed ella tschertgia activamain il sustegn da la publicitad.
Igl è chaussa da las politicras e dals politichers da procurar ch'i na dettia betg extremissem.
Marcel Dettling, il nov elegì president da la Partida populara svizra, di che la partida haja «lingias cotschnas» en connex cun «l’extremissem da dretg u da sanester» che na possian betg vegnir surpassadas e pretenda da la politica «da prender mesiras per impedir l’extremissem».
Cas criminals stattan pli e pli en connex cun la cybercriminalitad e cun il terrorissem. Il rapport dal 2023 da la procura federala mussa ch’ella ha avert l’onn passà dapli proceduras penalas en cumparegliaziun cun l’onn 2022, surtut en connex cun la cybercriminalitad ed il terrorissem. Er ils suspectads en quests cas vegnian pli giuvens, uschia il rapport, cun quai che tscherts suspectads sajan minorens.
E tge pensais Vus? Avais Vus quità da la radicalisaziun da persunas giuvnas? As participai a la debatta!
Chattai ora, nua che Vus stais. Cumparegliai Vossas respostas cun quellas da Vossas conburgaisas e Voss conburgais.