Sco che l’Uffizi federal veterinar e per la segirezza da victualias ha communitgà sajan dus utschels selvadis vegnids chattads morts al port da Losanna. Ussa vul l'Uffizi schlargiar las regiuns da controlla.
Mazzà 30'000 giaglinas en Germania
En Germania perencunter èn il mument dus cas enconuschents nua che la grippa d’utschels è sa derasada, era sin farmas da giaglinom.
En il nord da la Germania è vegni constatà sin ina farma serrada cun radund 30’000 giaglinas la grippa d’utschels, quai ha communitgà il ministeri agrar da la Germania. Tut ils animals han stuì vegnir mazzads. Co il virus ha pudì sa derasar en questa stalla serrada n’è betg conuschent.
RR novitads 15:00