A partir da mesemna vala l’entira Svizra sco regiun da protecziun. Cun quai vulan las autoritads impedir che la grippa d'utschels sa derasia en Svizra.
Quai suenter che radund 80 utschels selvadis crappads dal virus H5N8 da la grippa d'utschels l'emna passada. Lura al Lai da Constanza ed al Lai da Genevra. Ulteriurs cas ha l'uffizi ussa registrà al Lai da Neuchâtel ed ad Estavayer (FR).
Las mesiras e las obligaziuns
Las mesiras vulan evitar ch'il giaglinom da chasa haja contact cun utschels selvadis. L'uffizi smina ch'ils utschels crappads sajan s'infectads tar utschels migrants.
Per evitar il contact cun utschels selvadis sto il pavlar dal giaglinom da chasa succeder en stalla serrada, communitgescha l'Uffizi federal per segirtad da victualias e fatgs da veterinari. Sche quai n'avessia betg dad esser pussaivel, lura stuess il possessur tegnair en stalla ses giaglinom.
Ultra da quai èn ils possessurs da giaglinom obligads da registrar animals che sa cumportan curios u era simtoms da malsognas.
Mesiras preventivas e nagin privel per il carstgaun
Tenor l'Uffizi federal per fatgs veterinars na dettia quai nagins indizis per infecziuns en manaschis da giaglinoms en Svizra. Il virus na saja era betg contagius per il carstgaun.
RR novitads 11:30