En 100 etappas vul Reto Fehr ir cun velo atras mintga vischnanca da la Svizra. Il punct da partenza è stà ils 1 da fanadur a Samnaun, l’arrivada è l’Älggialp sur Sachseln, il punct central da la Svizra. Ils 19 d’october vul el arrivar a l’Ägglialp. La distanza totala da sia tura èn 11’000 km, la medema distanza sco da Turitg a Peking. Planisà ed organisà ha el la tura tut persuls. El è era persuls sin via, senza in team che accumpogna el ed organisescha tut ordavant. Sias aventuras san ins persequitar sin facebook, twitter ed online. Online dat i schizunt ina carta che mussa sia posiziun actuala.
cuntegn
Surselva Tura cun velo tras tut las vischnancas da la Svizra
Reto Fehr (35) da Uster enconuscha igl entir mund, el ha visità dapli che 70 stadis. La Svizra dentant è per el plitost nunenconuschenta. Per midar quai fa el ina tura cun velo tras tut las vischnancas da la Svizra.
Parter
RTR / al