L’interpresa da skis che producescha dapi il 2018 skis a Mustér vegn timunada en futur da l’anteriur skiunz professiunal Bruno Kernen, quai scriva l’interpresa en ina communicaziun a las medias. Kernen returnia a sias ragischs e possia cun sia savida ed experientscha pussibilitar in ulteriur svilup da la marca «Anavon». Quai era suenter che l’interpresa ha l’onn passà surpiglià la distribuziun e producziun da skis per l’interpresa tudestga Bogner.
audio
Anavon Ski: Bruno Kernen daventa nov mainafatschent
ord Actualitad dals 21.07.2022.
laschar ir. Durada: 3 minutas 10 Secundas.
A partir dal settember a la testa
Il mument vegnia Bruno Kernen a lavurar communabel cun René Zähnler ch’è dapi il 2020 mainafatschenta. A partir dal settember vegn Kernen a surpigliar l’entira responsabladad e Zähnler vegn a bandunar l’interpresa sin agen giavisch ord motivs famigliars.
