Legenda:
La gruppa centrala ch'i dat dapi il mars 2015 ha clamà a la radunanza da fundaziun.
mad
cuntegn
Surselva - Sedrun: Fundà cuminanza d'interess
Vreni Müller-Hemmi è l'emprima presidenta da la cuminanza d'interess Tujetsch, la cuminanza dals possessurs d'abitaziuns da vacanzas e giasts da tschep da la Val Tujetsch. Radund 150 persunas han elegì a la radunanza da fundaziun la suprastanza, quai communitgescha la cuminanza d'interess.
Sper la presidenta Vreni Müller-Hemmi èn elegids en la suprastanza Christoph Marugg (vizepresident), Kurt Baumgartner, Beatrice Bosshart, Daniel Krähenbühl, Markus Müller e Werner Strebel.
En ses program da lavur 2015/2016 vul la suprastanza s'engaschar tranter auter per il dialog cun la vischnanca e per informaziuns transparentas davart entradas ed expensas da la nova lescha da turissem.
Era preschents a la radunanza da fundaziun eran il president communal Beat Roeschlin ed il suprastant Christian Albin.
