-
Bild 1 von 5. Tgèsa s. Vigeli a Sedrun. Bildquelle: RTR, H. Giger.
-
Bild 2 von 5. Avant la partenza: Tresa Dal Farra, Carmelia Beer, Lucia Soliva (da sen.). Bildquelle: RTR, H. Giger.
-
Bild 3 von 5. Tresa Dal Farra arriva a Mustér. Bildquelle: RTR, H. Giger.
-
Bild 4 von 5. Dapi ils 3 da november è la Tgèsa s. Vigeli a Sedrun serrada. Quest di han las ultimas quatter cussedentas midà en la chasa da tgira Puntreis a Mustér. Bildquelle: RTR, H. Giger.
-
Bild 5 von 5. Puntreis a Mustér. Bildquelle: RTR, H. Giger.
La midada n'è betg simpla
Per ina gronda part da las cussadentas n’è ina tala midada betg simpla. I na saja betg lev, di Tresa Dal Farra da Sedrun. Ella ha 78 onns ed è stada 3 ½ onns en la Tgèsa s. Vigeli. I saja ina gronda midada, ed en la chasa da tgira Punt saja tut uschè grond. Mo las stanzas sajan fitg bellas ed ella possia prender ses urden cun ella.
In pau gnervusa
Tresa di ch’ella haja bler urden. Carmelia Beer da Tschamutt dentant di ch’ella haja be pauc. Ella saja vegnida pir dapi il zercladur en Tgèsa s. Vigeli e sia abitaziun haja ella schlià. Carmelia ha 74 onns e di ch’ella saja disada da midar chasa dapi ch’ella veva 17 onns. Perquai na fetschia ella betg tants quitads, be in pau gnervusa saja ella schon, perquai dovria ella las cigarettas. Ed en connex cun la midada di ella ch’ella vegnia a discurrer vinavant il dialect tuatschin.
Bellas regurdientschas
Per ellas duas restan las bellas regurdientschas en la Tgèsa s. Vigeli cun buna cumpagnia e tgira excellenta.
RR actualitad 12:00