La curuna dal mir enturn la nova praschun a Cazas sto vegnir sanada. Quai ha communitgà l’uffizi da construcziun auta. I sa tractia d'in donn da construcziun. Quest donn è dà en egl durant ina controlla da l'entir stabiliment. Il donn saja vegnì remartgà entaifer il temp da garanzia.
Legenda:
Cazas Tignez: 150 praschuniers sesan giu ses chasti en la praschun. Il mir circumdant dal stabiliment giudizial ha la funcziun d'impedir fugias e servir sco paravista.
Ralph Feiner
Las lavurs da sanaziun cumenzian las proximas emnas e durian probablamain fin il zercladur. Il donn haja tenor la communicaziun nagin'influenza sin la stabilitad dal mir u las pretensiuns da segirezza dal stabiliment giudizial. La nova praschun Cazas Tignez è en funcziun dapi il favrer 2020.
audio
Per tadlar: las novitads da las 12:00
ord RTR Audio dals 25.04.2024.
laschar ir. Durada: 5 minutas 12 Secundas.
