Hubo n'è betg mo in solit roboter. El è il pli spert roboter da sia sort. El vegn da la Corea dal Sid, var 1.50 meters gronds é paisa var 80 kilos, ed è vegnì preschentà al Forum mundial d'economia WEF a Tavau.
Hubo é in Roboter da salvament. El duai ir in regiuns da catastrofas a gidar. Tar catastrofas pli grondas sco la catastrofa d'atom a Fukushima. Quai ch'è era stà il punct da partenza per il svilup dal roboter «Hubo».
In roboter independent fis nossa finamira. Per adschundscher quai stuainsa far pass per pass.
Perquai che il roboter duai esser in agid per nus umans, duess el era esser sco nus, di l’inventader da Hubo Oh, Jun Ho. Il roboter na sa dentant betg lavurar independentamain.
Dapli
Anc betg in «roboter intelligent»
El fa simplamain per cumond. Vul dir: sch’el survegn in cumond, lura fa el quai che el sto. Hubo duai dentant vegnir independent. Uschia ch'el bada sez, tge che el sto far. Quai saja però anc in lung viadi.
