Las lavurs da preparaziun per il project spectacular han cumenzà il mais da matg. In consorzi da trais firmas ha bajegià si ina plattafurma speziala. Là sa chattan lura ils containers cun las chombras da cumpressiun per ils sfunsaders ed ils biros per l'entira squadra accumpagnanta. Ils custs totals per la sanaziun muntan a 24,5 milliuns francs.
In mais sut pressiun permanenta
Per pudair lavurar radund 110 meters sut la surfatscha da l'aua ston ils sfunsaders viver in mais permanentamain sut ina pressiun da 10 bar. Il zercladur ed il settember lavuran els davent dad ina plattafurma speziala. A la fin da las lavurs ston ils sfunsaders far tras ina fasa da decumpressiun da 5 dis per pudair sortir da la chombra da cumpressiun.
Fatgs davart la plattafurma sin il lai da fermada
- 51 elements
- in element paisa 5 tonnas
- vegnan per gronda part da la Frantscha
-
Bild 1 von 5Legenda: La plattafurma che nuda sin il lai da Livigno RTR, R. Mayer -
Bild 2 von 5Legenda: In collavuratur da la plattafurma trametta il gentar als collavuraturs en la capsla da pressiun RTR, R. Mayer
-
Bild 3 von 5Legenda: Il viertgel che serra ils enchaschaments en il fund dal mir da serra RTR, R. Mayer
-
Bild 4 von 5Legenda: Lieu da controlla sin la plattafurma RTR, R. Mayer
-
Bild 5 von 5Legenda: Il mir da serra cun la plattafurma da lavurar a vista d'utschè Geologos SA
RR actualitad 17:00