Ils uffants fan l'emprim da mars il til tradiziunal cun plumpas, brunsinas, zampuns, scrollas e giaischlas tras il vitg. Il senn da l'usit è da stgatschar l'enviern. Mintga vischnanca ha sias atgnas tradiziuns. Uschia na tunan era betg las melodias da las chanzuns da Chalandamarz nagliur medemamain.
Differenta vestgadira, fimar
Era las blusas blauas cun la chapitscha cotschna na vala dapertut sco mandura da Chalandamarz. En bleras vischnancas engiadinaisas nua che las mattas sa participeschan era al til, vegn decorà bler cun rosas da palpiri. Ils scolars ils pli vegls organiseschan tut la festa da Chalandamarz ed èn era ils patruns da quella. En singuls vitgs dastgan els perfin fimar.
Festa per uffants e creschids
Dentant che la festa da Chalandamarz è ina festa per ils uffants, è l’usanza a Zuoz era in di d’elecziun. Adina l’emprim da mars elegia la populaziun ils differents candidats per las instanzas politicas.
-
Bild 1 von 18. Las chapitschas cotschnas marcantas. Bildquelle: RTR, A. Caprez.
-
Bild 2 von 18. Ils scolars da Zuoz chantan sin las plazzas per pliras famiglias en ina. Bildquelle: RTR, A. Caprez.
-
Bild 3 von 18. Era il schloppar la giaischla vul inschegn e numerusas uras d'exercizi. Bildquelle: RTR, A. Caprez.
-
Bild 4 von 18. Chalandamarz. Bildquelle: RTR, A. Caprez.
-
Bild 5 von 18. Stgellond enturn ils bigls è ina part dal ritual pajaun da Chalandamarz. Bildquelle: RTR, A. Caprez .
-
Bild 6 von 18. In dals chavals da Chalandamarz che gira cun la cassa per ramassar raps. Bildquelle: RTR, A. Caprez.
-
Bild 7 von 18. Il viadi en carozza da Zuoz a Madulain è adina in dals puncts culminants dal til da Chalandamarz. Bildquelle: RTR, A. Caprez.
-
Bild 8 von 18. Ils maruns da Planta, in punct d'attracziun al Chalandamarz da Zuoz. Bildquelle: RTR, A. Caprez.
-
Bild 9 von 18. Partenza cun ils chavals vers Madulain. Bildquelle: RTR, A. Caprez.
-
Bild 10 von 18. Chalandamarz, chaland'avrigl. Bildquelle: RTR, A. Caprez.
-
Bild 11 von 18. Il pli bel Chalandamarz è quel cura ch'ins è in da quels che cumanda la festa! Niculin Magni è quest onn dirigent ed emprim patrun a Zuoz. Bildquelle: RTR, A. Caprez.
-
Bild 12 von 18. Ils maruns da Planta. Bildquelle: RTR, A. Caprez.
-
Bild 13 von 18. Chalandamarz en Val Müstair. Bildquelle: RTR, D. Spinnler.
-
Bild 14 von 18. Chalandamarz a La Punt Chamues-ch. Bildquelle: RTR, A. Caprez.
-
Bild 15 von 18. Chalandamarz ad Ardez. Bildquelle: RTR, A. Schlegel.
-
Bild 16 von 18. Chalandamarz ad Ardez. Bildquelle: RTR, A. Schlegel.
-
Bild 17 von 18. Chalandamarz ad Ardez. Bildquelle: RTR, A. Schlegel.
-
Bild 18 von 18. Chalandamarz ad Ardez. Bildquelle: RTR, A. Schlegel.
«Chalandamarz, chaland’avrigl...»
L’usanza da Chalandamarz è ina veglia restanza dal temp dals Romans cur ch'il mars era l’emprim di dal chalender giulian. Cun il il ritual pajaun vul ins stgatschar ils nauschs spierts da l’enviern e clamar uschia la primavaira. Part da quella usanza èn prest dapertut tils ed in bal la saira.