Las vischnancas d'Engiadin'Ota stuessan surpigliar 8.5 milliuns francs dal credit total da 22 milliuns francs per sanar la plazza aviatica da Samedan. Ultra da quai stuessan las vischnancas surpigliar la garanzia per il chapital ester da 9.5 milliuns francs, ni tuttina betg?
Quai era la dumonda centrala duranta la debatta. La resposta che mancheva sin la dumonda ha procurà per la decisiun unanima dal cussegl da refusar la missiva e tractar ella il schaner anc ina giada. Sco consequenza vegn la votaziun dal pievel spustada sin il mars da l'auter onn. Oriundamain era quella prevesida per il favrer.
La renovaziun da la plazza aviatica prevesa tranter auter in nov tower ed in nov sistem da func e da segirezza.
Questas mesiras èn necessarias per che la plazza aviatica a Samedan possia er vegnir manada vinavant en l'avegnir.
RR actualitad 07:00
