Ch’il telefon sin la plazza entamez Tschlin scalinass gist senza pausa, n’avessan ils Engiadinais betg quintà. Per sa participar ad ina concurrenza e gudagnar in premi, pon ins simplamain telefonar tranter la damaun las 10 e la saira las 8 sin il numer da telefon: 081 860 10 90.
«Piglia tü jo»
Per respunder tut ils cloms che derivan da tut las parts da la Svizra, era da la regiun sez, han ils abitants da Tschlin gì da s’organisar in pau. Savens scalina il telefon gist suenter ch’ins ha mess il corn sin la furtgetta. Ideal è sche insatgi passa gist per cas speravi il telefon e po respunder quel.
Gudagnar vacanzas en Grischun
Per il cas ch’ils da Tschlin n’èn betg stads buns da respunder in clom, riva la persuna tar in bindel automatic e las schanzas per gudagnar in dils premis è gia fitg gronda. Per ch’ils cloms vegnian era udids en tut la vischnanca, han ins installà ina sclingia speziala. E per che la glieud vesa er tgi che discurra al telefon, vegn la plazza filmada cun ina webcam.
Almain nagin scaliniez la notg
L’acziun da reclama da Grischun vacanzas dura anc fin e cun sonda, ils 11 da zercladur 2016. Bain pussaivel è ch’il scaliniez durant 10 uras al di, strapatscha insacura la gnerva dils da Tschlin.
-
Bild 1 von 4. Jon Pitschen Janett al telefon, circundà da scolaras e scolars da Tschlin. Bildquelle: RTR, A. Caprez.
-
Bild 2 von 4. Ottilia Andry curra er adina puspè per respunder il telefon entamez Tschlin. Bildquelle: RTR, A. Caprez .
-
Bild 3 von 4. Jon Pitschen Janett durant in dals numerus discurs al telefon da Tschlin. Bildquelle: RTR, A. Caprez.
-
Bild 4 von 4. Fadri Denoth da Tschlin ha respundì blers telefons durant l'emprim di da l'acziun. Bildquelle: RTR, A. Caprez .
RR actualitad 17:00