Il premi da cultura principal 2024 da la citad da Cuira va a l'actura Ursina Lardi. Lardi è creschida si a Cuira e viva ussa a Berlina. Il 2010 aveva ella gia retschavì in premi da renconuschientscha - però suenter era plirs auters. Tranter quests era il pli impurtant premi dal teater svizzer cun l'Anè Hans Reinhart (2017). Per ella saja quest premi da cultura da Cuira però tuttina ina chaussa extraordinaria da survegnir questas duas undraziuns aifer mo 15 onns, scriva Ursina Lardi en il communitgà da la citad da Cuira.
Il Grischun è mia patria. Suenter mia uffanza en il Poschiavo ed a Samedan, hai jau passentà mes onns da giuventetgna marcants a Cuira.
Il premi da cultura principal è dotà cun 8'000 francs, e la citad al surdat circa mintga trais onns.
Ulteriuras victuras e victurs
Ils premis da renconuschientscha e da promoziun ch'èn dotads cun 4'000 francs surdat la citad mintg'onn. Per quest onn vegnan renconuschidas las prestaziuns da:
- Marc Lardon, clarinettist da bass e contrabass, e
- Christian Klucker, manader da chors e dirigent.
Ed ils premis da promoziun van a:
- Kollektiv Piera Buchli &I Luc Isenschmid, duo d'artists era da cheramica,
- Jamira Estrada, musicista electroacustica e cumponista, e
- Martha Mutapay, sautunza e performadra.
Ils premis surdat la citad mez avust en il rom d'ina vista da cultura en il teater da la citad.
