Legenda:
Verizon paja 4,8 milliardas dollars per Yahoo.
Keystone
cuntegn
Exteriur - Yahoo venda fatschenta da coc
Il piunier d'internet Yahoo perda sia autonomia suenter ina crisa pli lunga. Per 4,8 milliardas dollars va la fatschenta da coc al concern da telecommunicaziun american Verizon.
Analists avevan stimà las duas spartas d'internet e dad e-mail da Yahoo sin tranter 6 fin 8 milliardas. Malgrà ch'il concern ha investì bler en ina midada da trend n'ha Yahoo betg pudì far frunt a la predominanza da Google e Facebook sin il martgà. Pervia d'ina perdita da milliardas aveva il concern gia annunzià il favrer la vendita.
