Cun ina ceremonia a l'eroport da Brüssel han cumenzà las occurrenzas commemorativas per las unfrendas da attatgas da terror d'avant in onn.
Curt avant las 8:00 han represchentants da la regenza ed il pèr roial – Philippe e Mathilde – tegnì ina minuta da silenzi a l'eroport da Zaventem.
Durant il di èn planisadas ulteriuras occurrenzas. En il quartier da l'Uniun europeica vegn tranter auter inaugurà ina statua. Il suentermezdi datti in til da malencurada.
Ils 22 da mars 2016 avevan trais attentaders da suicidi mazzà 32 persunas a l'eroport ed en la metro da la chapitala belgia.
RR novitads 09:00