En l'Islanda è il schef da la regenza Sigmundur David Gunnlaugsson sa retratg. Quai rapportan medias islandaisas. Avant aveva el supplitgà il president dal pajais da schliar il parlament e da proclamar elecziuns novas. Cun quai reagescha el sin la disfidanza suenter las scuvertas da Panama-Papers.
Quels palpiris mussan che Gunnlaugsson possedeva ina firma da chascha da brevs en in'oasa da taglia. Il glindesdi avevan millis da Islandais protestà cunter Gil primminister. Quel refusa però tut las rinfatschas. El haja agì legalmain.
RR novitads 20:00
sda/hs