-
Bild 1 von 5Legenda: In Frantscha ha el discurrì – il minister da l'exteriur Cavusoglu durant l’occurrenza da propaganda a Metz. Keystone -
Bild 2 von 5Legenda: Protest ad Istanbul – demonstrants davant l’ambassada dals Pajais Bass ardan ina nota da dollar. Keystone
-
Bild 3 von 5Legenda: La ministra da famiglia tirca – Fatma Betul Sayan Kaya ad ina conferenza da pressa la dumengia ad Istanbul. Keystone
-
Bild 4 von 5Legenda: Il minister da l'exteriur Mevlüt Cavusoglu tar ina conferenza da pressa a l’eroport dad Istanbul. Keystone
-
Bild 5 von 5Legenda: President Erdogan la dumengia tar ina ceremonia da premis per bainvulientscha ad Istanbul. Keystone
Suenter l’eclat pervi da la visita scumandada da la ministra da famiglia tirca a Rotterdam ha la regenza tirca annunzià cuntramesiras gravantas. Il prim-minister tirc Binali Yildirim ha communitgà che la resposta vegnia dada sin moda e maniera la pli greva. Vinavant ha el appellà als Tircs - che vivan en l'exteriur - da restar calm.
En il fratemp ha era s’annunzià il minister da l’exteriur Cavusoglu puspè. Suenter che ses aviun n'aveva betg survegnì il permis da platgar en ils Pajais Bass, è el sa mess en viadi en Frantscha. Cavusoglu è viagià a Metz en Frantscha per ina proxima occurrenza ed ha ditg là tenor l’agentura da novitads tudestga DPA la dumengia avant schurnalists:
Nus vegnin ad instradar pass, nus vegnin ad instradar pass da gronda purtada e suenter vegn l’Ollanda a sa perstgisar tar la Tirchia.
Tgenins pass ch’el manegia, n’haja el betg declerà.
Il president tirc sa vilenta dal vest «islamofob»
Davent da la Tirchia svida il president tirc Erdogan sez ieli en il fieu engraziond a la Frantscha dad avair laschà entrar ses minister da l’exteriur per discurrer. Quai ha rapportà l’agentura da novitads franzosa AFP. Il vest saja «islamofob» ed avessi mussà uss sia fatscha reala.
En pli ha Erdogan rinfatschà a las medias tudestgas, da rapportar sbagliadamain dal sistem presidial, ch'el vul installar.
RR novitads 14:00+