-
Bild 1 von 8Legenda: La polizia ha serrà giu cumplettamain il territori enturn il parlament. Keystone -
Bild 2 von 8Legenda: La policia serra giu il bajetg suenter ch'i ha da rapports da sajets. Keystone
-
Bild 3 von 8Legenda: In helicopter da salvament è sa tschentà davant il bajetg. Keystone
-
Bild 4 von 8Legenda: La polizia ha serrà giu cumplettamain il territori davant il parlament. Keystone
-
Bild 5 von 8Legenda: Il politiche Tobias Ellwood (a san.) vegn festagià sco erox perquai ch'el ha presta emprim agid tar ina persuna blessada. Keystone
-
Bild 6 von 8Legenda: Pliras persunas èn vegnidas blessadas a Londra. Keystone
-
Bild 7 von 8Legenda: Pliras persunas èn vegnidas blessadas a Londra. Keystone
-
Bild 8 von 8Legenda: In auto è charra en la saiv davant Westminster. Keystone
L'impurtant en curt:
- La polizia ha entant confermà 4 morts da l'attatga. 20 persunas sajan blessadas. In dals morts è in policist ed in auter l'attatgader supponì.
- La polizia conferma che l'attatgader saja l'emprim charrà cun l'auto en las persunas sur la punt da Westminster. Suenter ha el blessà tschellas persunas cun in cuntè.
- L'attatgader è vegnì blessà da la polizia.
La polizia da Londra ha confermà che l'attatgader saja l'emprim charrà cun l'auto en persunas, cura ch'el è ì sur la punt da «Westminster». Silsuenter saja el ì or da l'auto ed haja attatga persunas, tranter auter in policist cun in cuntè. L'attatgader è lura vegnì sajettà giu da la polizia. Entant conferma la polizia er ch'i haja dà quatter morts e 20 blessads da l'attatga. La polizia va er da quai annora che l'attatgader saja stà sulet.
Polizia discurra d'in act terroristic
La polizia giaja or d'ina attatga terroristica. Il motiv per l'attatga na saja anc betg cler. La primministra da la Gronda Britannia, Theresa May è en segirtad.
La staziun da metro datiers dal parlament, «Westminster» saja vegnida serrada da la polizia. Enturn il center da la citad sgolian helicopters. Ed er tuttas vias d'acces tar il parlament èn serradas.
In pledader da la chombra dals deputads haja ditg a l'agentura da novitads AFP ch'ils deputads hajan survegnì l'avis da restar en il bajetg dal parlament. Avant il bajetg saja sa tschentà in helicopter da salvament.
RR novitads 16:00++