Lingua stgaffescha munds - Lingua per tscharvè ed ureglias – ina visita al museum d’art - Cultura

Peschs che sgolan, pleds che serpegian, persunas che discurran – lingua n’è betg be udibla, ma er visibla e schizunt palpabla. Quai mussa actualmain in’exposiziun tematica en il Museum d’art dal Grischun a Cuira. «Co che la lingua inventa il mund» maina en crusch ed en travers tras la cuntrada linguistica grischuna, navighescha lunsch sur ils cunfins sur mar tar l’anteriura colonia franzosa Île de France ed enavos per mussar che l’universal è il regiunal e viceversa.

Il diari mirveglius da Gion Casper Collenberg

Punct da partenza per l'exposiziun è il diari dal giuven chombrer da Lumbrein, Gion Casper Collenberg, che accumpogna ses patrun, in ritgun da Paris, sin l'insla colonisada dals Franzos, l'Île de France u oz Mauritius. Per ses confamigliars en Lumnezia scriva e dissegna Collenberg in rapport detaglià da quest viadi, che dura in mez onn e che oscillescha tranter lungurella da plum e cumbats per vita e mort:

Gion Casper Collenberg – stgaffir maletgs dad in mund ester

Reisetagebuch 1765 Gion Casper Collenberg Mauritius «Wie Sprache die Welt erfindet» Ausstellung Kunstmuseum Chur

Segelschiff Zeichnung 1765 «Wie Sprache die Welt erfindet» Ausstellung Kunstmuseum Chur

Reisetagebuch historisch 1765 Collenberg Mauritius «Wie Sprache die Welt erfindet» Ausstellung Kunstmuseum Chur

Michele Badilatti Linguist Autor «Wie Sprache die Welt erfindet» Ausstellung Kunstmuseum Chur

L'exposiziun vul illuminar la forza da la lingua da stgaffir imaginaziuns, crear raquints fictivs ed uschia diriger la vista dal mund. Ella sa deditga a fenomens linguistics, che valan tant per il Grischun sco er per autras linguas en tut autras parts dal mund.

Lingua ed identitad en dialog – u betg pli

Uschia descriva per exempel l’artista Zineb Sedira en sia ovra «Mother Tongue» co che culturas ed epocas sa scuntran en las linguas. Sin sia installaziun da video tematisescha ella sin trais moniturs co che linguas vegnan e passan en il context da la migraziun:

Zineb Sedira «Mother Tongue» (2002)

Monitor Videoinstallation Zineb Sedira «Wie Sprache die Welt erfindet» Ausstellung Kunstmuseum Chur

Monitor Videoinstallation Zineb Sedira Chur

Damian Jurt, il curatur da l’exposiziun maina la Marella ad ina gita auditiva da Gion Casper Collenberg ed Alois Carigiet sur Not Vital ed Erica Pedretti fin a Bruce Nauman e Susan Hiller. La cuntrada linguistica survegn fatscha e furma e la Marella porscha cun visitar il museum d’art purtrets per las ureglias.

In pitschen sguard en l'exposiziun