«Nus avain in unic corp»
Noss corp è il center da nossa vita, da la naschientscha fin la davosa fladada. Il corp uman è il center da l’exposiziun actuala en il Museum naziunal a Turitg: «begehrt.umsorgt.gemartert. Körper im Mittelalter». L’exposiziun reflectescha il corp en il temp cur che la baselgia dictava tge che era bun, ma surtut tge che era putgà. En il temp medieval valeva il corp uman sco object per da perscrutaziun per la scienza – ma en la societad era el ina cuntrada per giudair ils plaschairs corporals. La societad da noss temp tgira il corp, nus faschain sport u ans suttamettain a la chirurgia plastica per optimar noss corp e la bellezza. Gia en il temp medieval tgirava l'elita da la societad a moda excessiva il corp.
Vita e cretta tematisescha tranter auter ils usits e cults enturn la tgira per il corp en il temp medieval e discurra cun l'istoricra e curatura da l'exposiziun davart il corp da la dunna, sia rolla e davart ils ideals da bellezza en il temp medieval.
L'exposiziun «begehrt.umsorgt.gemartert. Körper im Mittelalter» tar il Museum naziunal da Turitg resta averta fin ils 15 da fanadur 2024.
