Hansjörg Hassler è pur cun corp ed olma. La politica saja bain stada impurtanta ma en il cor saja el adina stà pli ferm pur che politicher – pur da muntogna precisescha el. Tuttina ha la politica purtà inquala sfida. Suenter l'elecziun dad Eveline Widmer-Schlumpf ha el gì da bandunar la PPS cunquai che la secziun grischuna è vegnida exclusa da la partida mamma. Ed uschia è el stà l’entschatta schef da fracziun da la PBD en la Chasa federala. Uss è el comember da l’Allianza dal Center e damai in da paucs ch’enconuscha fitg bain trais partidas. La politica observa el mo pli a distanza. Ses cor è dentant restà tar il puresser: è el anc oz uschè savens sco pussaivel en stalla sco pussaivel e gida ses figl.
Hansjörg Hassler Il pur cun l'avaina politica
Sia via politica ha manà Hansjörg Hassler da la suprastanza communala fin en Chasa federala. Sco cusseglier naziunal è el era stà il 2007 tranter las fronts da las partidas cura che Eveline Widmer-Schlumpf è vegnida eligida en il Cussegl federal.
Parter
RTR Profil 09:03
Parter