La bonitad da la Svizra è vinavant excellenta. L’agentura da rating americana Fitch ha confermà ses rating da Triple A per il pajais. L’economia svizra creeschia ina ferma valur agiuntada. La politica economica e fiscala precauta procuria per gronda stabilitad e per debits che sajan relativamain bass, ha argumentà Fitch.
Che la UBS haja surpiglià la concurrenta Credit Suisse na saja nagin risico pli grond per l’economia. Las prognosas per la Svizra sajan stabilas. Fitch quinta che l’economia svizra creschia quest onn en media per 1,2%. Quai grazia a l’inflaziun bassa ed occurrenzas da sport.
